SiNdIrLa
مًـِِّـشًِْـــِِّرٌٍفْــــِِّة عًٍـــِِّــآمًــــِِّـة TopآنْـِِّـِِّـِِّآStop
عدد المساهمات : 76
نقاط : 119
تاريخ التسجيل : 27/08/2009
العمر : 33
الموقع : https://nowa3m.yoo7.com/
 |  موضوع: أبوذيات روعه  الخميس أغسطس 27, 2009 9:02 pm | |
| جفي للمشو بالليل يوماي
واكضي شلون من ترحون يوماي
نزل علخد سواد العين يوماي
يوهي اثنينهن طاحن سوية
..............................................
البدر زور صفاتك وانتحلها
واعرفت ايام هجرك وانتحلها
وعليك اعرض قضيتي وانت حلها
وانصف لو ردت تحكم عليه
..................................................
على حبك باب الكَلب سكّر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية
.................................................
يهل تنشد لحالي حالفاني ....
وبس الحزن بعدك حالفاني ....
ابد ما احب غيرك حالف اني...
وجدت روحي الك بثنين اديه ....
طعم طيبك يغالي عسل وي جوز
ومنك مايتوب الكلب و يجوز
تريد انساك بس بالموت و يجوز
تلمنه الاخره ونرجع سويه
...............................................
أحبكـ مو لاجل حسنك و مالك
و الحب حلال برأي حنبل و مالك
إذا انت غزالة بلاية مالك
شلون تريد اعوفكـ من ادية
.........................................
احب صوتك واحب للعود دكات
وزماني شلون اله وياي دكات
وخلص كلبي وماظل بعد بيه دكات
وترد روحي من يمر اسمك عليه
........................................
اتعارك لجل عينك وطك طك
وللحاسد اذب حرمل واطك طك
افرح من تراسلني واطك طك
اصبعتين من تسأل عليه
.......................................
نقد ادفع وابوسنك ..بلادين
واحضنك حيل ياخلي ..بلادين
على احسابك حرب علنو...بلادين
دولة كلبي وي روحي علية
.......................................
كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه
................................................
الحزن لاجلك هويتة صار مني
وليالي هواي بعدك صارمني
شتريد الكلب؟ اخذة صار مني
اخذ شتريد بس ارجع الية.....
.........................................
اريد اكصد لعد كلبك وظــــيفه
واحط حبي على حبك وظيـــيفه
اذا هذا العشك صاير وظــــيفه
ما اطلع تقاعد للمنيه
..................................
جيت ولجل عينـــــــك شاركتلك
وعله دموعي دليلـــي شاركتلك
بخت عنــــدي واحذرك شاركتلك
اشور بيك مــن تبعد عليـــــــــــه | |
|
